Böyük Britaniya kralı Çarlz III Milad günü ənənəvi illik müraciətində cəmiyyət daxilində birlik, qarşılıqlı hörmət və müxtəlifliyin qorunmasının vacibliyini ön plana çəkib. O bildirib ki, son illər fərqli dinlərdən, mədəniyyətlərdən və icmalardan olan insanlarla ünsiyyət qurmaq ona göstərib ki, bütün fərqlərə baxmayaraq, insanları birləşdirən əsas dəyərlər mövcuddur. Kralın sözlərinə görə, mərhəmət, sülh və insan həyatına hörmət bu ortaq dəyərlərin əsasını təşkil edir.
Çarlz III çıxışında həmçinin çətinliklərlə dolu qlobal mühitdə qarşılıqlı anlayışın və dialoqun daha da əhəmiyyətli olduğunu vurğulayıb. Onun Milad mesajı Böyük Britaniya ilə yanaşı, Birlik ölkələrində də yayımlanıb və milyonlarla tamaşaçı tərəfindən izlənilib. Çıxış kral ailəsinin cəmiyyətdə sabitlik və mənəvi dəyərlərin qorunmasında rolunu bir daha gündəmə gətirib.
Mənbə: CBSNEWS