İngiltərə kralı Çarlz və Kraliça Kamilla bir restoranı ziyarət edərkən rastlaşdıqları Ramazan hazırlıqlarına qatılıb və xəstəxanalara göndərilmək üçün xurma yığmağa kömək ediblər.
İngiltərə kralı Çarlz və kraliça Kamilla Londonda bir restorana gələrkən Ramazan hazırlıqları ilə qarşılaşıblar. Kral cütlüyü restoranda bir qrup müsəlman qadınla görüşüb və Britaniya-Hindistan aşpazı Asma Khana məxsus restoranda Ramazan ayında iftar zamanı istehlak edilmək üçün xəstəxanalara göndəriləcək xurma qablaşdırmağa kömək ediblər.
Kral və Kraliçanın xurma yığdığı anlar kral sosial media hesabında paylaşılıb. “Britaniya müsəlman qadınlarını təbrik edirəm. Peşəkar idmançılardan tutmuş sənətçilərə və korporativ dünya liderlərinə qədər Kral və Kraliça Ramazana hazırlaşarkən bir qrup qeyri-adi qadınla vaxt keçirdilər. Ramazan ayı müsəlmanlar üçün gündəlik həyatın normal olaraq davam etdiyi, lakin mənəvi diqqətin gücləndiyi mühüm bir dövrdür”, – postda deyilir.
Mənbə: HaberGlobal