Rusiyanın Ukraynaya hücumları davam edərkən, Kremldə siyasi böhranlar davam edir.
İlk olaraq martın 23-də Rusiya prezidenti Vladimir Putinin davamlı inkişaf üzrə xüsusi nümayəndəsi Anatoli Çubaysın istefasından sonra Kremldən daha bir xəbər gəldi.
Bugün.tv Haber Turk-ə istinadən xəbər verir ki, Rusiyanın keçmiş lideri Boris Yeltsinin kürəkəni və Putinin hakimiyyətə gəlməsinə kömək edən Kremlin müşaviri Valentin Yumaşev də istefa verib.
Yumaşevin idarə heyətinin üzvü olduğu Yeltsin Fondunun baş direktorunun müavini Lyudmila Telen Rusiya mətbuatına açıqlamasında Yumaşevin istefasını təsdiqləyərək, “Bu, onun xahişi idi” deyib.