Küveyt hökuməti ölkədə təhlükəsizlik vəziyyəti ilə bağlı vətəndaşlara gecə saatlarında evdə qalmaq barədə xəbərdarlıq edib. Bu barədə TRT Haber məlumat yayıb.
Məlumata görə, Daxili İşlər Nazirliyi gecə 00:00–06:00 saatları arasında zəruri hallar istisna olmaqla evdən çıxmamağı tövsiyə edib. Qurum bu qərarın preventiv təhlükəsizlik tədbirləri çərçivəsində qəbul olunduğunu bildirib.
Rəsmi açıqlamada vurğulanır ki, məqsəd ölkədə ictimai təhlükəsizliyi təmin etmək və mümkün risklərin qarşısını almaqdır. Eyni zamanda vətəndaşlardan rəsmi göstərişlərə əməl etmələri istənilib.
Bu addım bölgədə artan gərginlik fonunda atılıb. Xüsusilə Donald Trump-ın İranla bağlı sərt açıqlamaları və mümkün hərbi addımlara işarə edən bəyanatları Yaxın Şərqdə narahatlığı artırıb.
Trump daha əvvəl Fox News-a açıqlamasında mümkün əməliyyatlarla bağlı kəskin ifadələr işlədərək vəziyyətin daha da gərginləşə biləcəyini bildirib. Bu bəyanatlar region ölkələrində təhlükəsizlik tədbirlərinin gücləndirilməsinə səbəb olub.
Mənbə: TrtHaber