“Deməli, son 1 ildə uşaqları manyakcasına özünə bağlayan Çinin Labubu oyuncaqlarını istehsal edən Pop Mart şirkətinin bazar dəyəri Rusiyanın Qazprom şirkətinin bazar dəyərini üstələyib.
2025-ci ilin iyul ayına olan məlumata əsasən, Pop Mart şirkətinin bazar dəyəri 41,52 milyard dollar təşkil edir. Qazprom-un kapitallaşması isə 38,94 milyard dollar olaraq qiymətləndirilir” – deyə politoloq Aqil Məmmədov öz sosial media hesabında şərhini paylaşıb.
Ekspertin fikrincə, bu fakt onu göstərir ki, sadə oyuncaq istehsalı ilə də böyük dəyər qazanmaq mümkündür.
Bu hadisə qlobal trendlərin necə dəyişməsini və oyuncağın yumşaq güc vasitəsi kimi qaz və neft nəhənglərini geridə qoymaq iqtidarında olduğunu göstərir.
Politoloq, jurnalist Aqil Məmmədov