Bugun.tv xəbər verir ki, bu barədə Litvanın ordu komandanlığı məlumat yayıb. “Qarşımızda duran əsas məqsəd bölmələrin müdafiə planlarının icrasına hazırlıq səviyyəsini, NATO müttəfiqləri ilə koordinasiya imkanlarını yoxlamaqdır”, – deyə Litva ordusunun komandanı general Raymundas Vaykşnoras bildirib. Bir müddət öncə general Belarus və Rusiyanın birgə “Qərb” təlimlərinə cavab olaraq Baltikyanı ölkələrdə və Polşada təxminən 40 min hərbçinin iştirakı ilə hərbi manevrlərin keçirəcəyini elan etmişdi. Təlimlərin həm poliqonlarda, həm də mülki ərazilərdə keçiriləcəyi planlaşdırılır. Buna paralel olaraq Almaniya Silahlı Qüvvələrinin 2030-cu ilədək Litvada daimi yerləşdirilməsi nəzərdə tutulan briqadasının təxminən 2 min əsgəri də təlim məqsədilə Baltikyanı respublikaya göndəriləcək.
Litvada 17 minədək hərbçinin iştirakı ilə təlimlər keçiriləcək
