Livanın baş naziri Nəcib Mikati ölkəsinin beynəlxalq qanunlara riayət edərək İsrailin hücum təhlükəsinə qarşı hər cür müdafiəni həyata keçirəcəyini bəyan edib.
Ölkənin rəsmi agentliyi olan NNA Mikatinin İsrailin Livana mümkün hücumu ilə bağlı bəyanatını dərc edib.
Mikati, dinc əhaliyə qarşı hər cür zorakılığı qınadıqlarını ifadə edərək, İsrailin Livanın cənubuna hücumlarının dayandırılmasını və Birləşmiş Millətlər Təşkilatının Təhlükəsizlik Şurasının 1701 saylı qətnaməsinin həyata keçirilməsini istəyib.
İyulun 27-də İsrailin işğalı altında olan Qolan Təpələrindəki Məcdel Şəms qəsəbəsinə hücumdan sonra İsrailin Livana təhdid etməsinə gəlincə, Mikati deyib: “İsrailin Livana qarşı hərtərəfli müharibə təhdidi livanlıların beynəlxalq qanunlar tərəfindən təsdiq edilmiş hər vasitə ilə öz torpaqlarını müdafiə etməsinə mane olmayacaq”.
Mənbə: TrtHaber