Litvada, paytaxt Vilnüsdə Baltosios Vokes küçəsində yerləşən obyektdə LPG yüklü vaqonların alovlanmasından sonra yanğın baş verib.
Yanğın barədə yerli vaxtla səhər saat 10:00 radələrində məlumat verilib. İlkin məlumatlara görə, səkkiz vaqon yanıb.
Hadisə nəticəsində bir nəfər xəsarət alıb, obyektin 1 kilometr radiusunda yaşayan sakinlərə təxliyə göstərişi verilib.
Şahidlərin bildirdiyinə görə, yanğın mərkəzindən kilometrlərlə uzaqda qara tüstü görünüb və hadisə yerində çoxsaylı partlayış səsləri eşidilib.
Litvanın daxili işlər naziri Vladislav Kondratoviç “İlkin məlumatlara görə, yanğın iş şəraitinin pozulması səbəbindən baş verib” deyib.
Vilnüs Bələdiyyəsi tüstünün sağlamlıq üçün potensial riskləri səbəbindən əhaliyə evdə qalmaq və pəncərələri bağlı saxlamaq barədə xəbərdarlıq edib. Çox sayda yanğınsöndürən və polis qruplarının mübarizə apardığı yanğın hələ də nəzarət altına alınmayıb.
Mənbə: HurriYet