Fransada polis Parisdə yerləşən dünyaca məşhur Luvr Muzeyində turistləri aldadan genişmiqyaslı bilet fırıldağı şəbəkəsini ifşa edib.
Bugun.tv xəbər verir ki, France 24 nəşrinin məlumatına görə, muzey rəhbərliyi hüquq-mühafizə orqanlarına müraciət etdikdən sonra araşdırma başlanıb. İstintaq nəticəsində əldə olunan ilkin sübutlar hadisənin təşkilatlanmış və genişmiqyaslı fırıldaqçılıq şəbəkəsi olduğunu göstərib.
Polisin keçirdiyi əməliyyat zamanı 2-si muzey əməkdaşı olmaqla 9 nəfər “bilet dələduzluğu” işi üzrə şübhəli bilinərək saxlanılıb.
Le Parisien qəzetinin məlumatına əsasən, şəbəkə 2024-cü ilin yayından fəaliyyətə başlayıb və əsasən çinli turistləri hədəf alıb.
Hadisə ilə bağlı istintaq tədbirləri davam etdirilir.
Mənbə: TrtHaber