Bugun.tv xəbər verir ki, Novqorod vilayətinin Boroviçi şəhərindən olan məktəblinin əlində cib telefonu partlayıb. Bu barədə “Komsomolskaya Pravda” şəhər administrasiyasının mətbuat xidmətinə istinadən məlumat yayıb.
“Yeniyetmə ağır bədən xəsarətləri alıb və Boroviçi Mərkəzi Rayon Xəstəxanasına yerləşdirilib”, – meriyanın məlumatında deyilib. Şəhər administrasiyası qeyd edib ki, xəsarətlərə səbəb uşağın yatarkən əlindəki qurğunun partlaması olub.
Meriya rusiyalıları smartfonlardan istifadə edərkən təhlükəsizlik tədbirlərinə riayət etməyə çağırıb. Vanna otağında cihazlardan istifadə etməyin, əgər onlar həddindən artıq qızarsa, onları elektrik şəbəkəsindən ayırın.
Bundan əvvəl İrkutsk vilayətində məktəbli qızın əlində telefonun şarj cihazı partlayıb. Qız telefonu şarj edərkən onlayn oyun oynayıb. Partlayışdan sonra uşağın ailəsi qızın qan içində yerdə uzandığını görüblər. Onun başı, döş qəfəsi, qarın nahiyəsi və ayaqları kəsilmiş-deşilmiş xəsarətlər alıb.
Müxbir Qaytən Qasımzadə
Mənbə lenta.ru