Bugun.tv xəbər verir ki, Adananın mərkəz Seyhan rayonunda bir mənzildə baş verən yanğında tüstüdən zərər çəkən 20 nəfər xəstəxanaya yerləşdirilib. Xəbər verildikdən sonra hadisə yerinə polis, yanğınsöndürənlər və sağlamlıq qrupları sövq edilib. Binada güclü tüstüdən mənzillərində sıxılmış vəziyyətdə qalanlar səbətli yanğınsöndürən tərəfindən xilas edilib. İti ilə birlikdə qapalı vəziyyətdə qalan qadın yanğınsöndürənlər tərəfindən təxliyə edilib. Qadın daha sonra itini qucaqlayaraq ağlayıb. Qrupların müdaxiləsi ilə söndürülən yanğın zamanı tüstüdən təsirlənən 20 nəfər təcili yardımla ətrafdakı xəstəxanalara aparılıb. Həmin şəxslərin səhhətlərinin yaxşı olduğu öyrənilib.
TRT Haberin məlumatına görə, yanğından zirzəmiyə ziyan dəyib, yanğın yanğınsöndürənlər tərəfindən nəzarətə götürülüb.
Müxbir: Şəms Elnurqızı