Bugun.tv xəbər verir ki, Adananın Seyhan rayonunda bir mənzilin terasında yanğın baş verib. Xəbərdarlıq üzərinə bölgəyə polis, yanğınsöndürənlər və sağlamlıq qrupları sövq edilib. Yanğınsöndürənlər və vətəndaşlar binada güclü tüstüdən terrasın döşəməsində sıxılmış vəziyyətdə qalan uşağı xilas etmək üçün hərəkətə keçib. Uşaq yanğınsöndürənlər və vətəndaşların köməkliyi ilə olduğu yerdən xilas edilib. Qrupların müdaxiləsi ilə söndürülən yanğın zamanı 2 yanğınsöndürən, 1 uşaq və tüstüdən zərər çəkən 4 nəfər ətrafdakı xəstəxanalara aparılıb.
TRT Haberin məlumatına görə, yanğın nəticəsində terrasın döşəməsi zədələnib, yanğın yanğınsöndürənlər tərəfindən nəzarətə götürülüb.
Müxbir: Məhəmməd Sarıoğlu