Bugun.tv xəbər verir ki, İslamı qəbul etdikdən sonra Şüheda Davitt adını alan Sinead O’Connor kimi tanınan məşhur irlandiyalı qadın müğənni 56 yaşında vəfat edib.
BBC-nin xəbərinə görə, ölüm xəbərini Şüheda Davittin ailəsi bildirib.
Açıqlamada, 56 yaşlı Davittin ailəsi və dostlarının bundan dərin kədərləndikləri qeyd olunub.
90-cı illərdə “Nothing Compares 2 U” mahnısı ilə dünya şöhrəti qazanan və solo albomları ilə yanaşı xeyriyyə konsertləri ilə də adını məşhurlaşdıran Davitt indiyədək 10 albom çıxarıb.
2018-ci ildə İslamı qəbul etdiyini açıqlayan Davitt, “Müsəlman olduğum üçün fəxr edirəm. Bu, hər bir ağıllı ilahiyyatçının təbii qənaətidir. Bütün müqəddəs kitablar bizi İslama aparır”, – deyib.