Macarıstan köşə yazarı Vladimir Kara-Murzanın (Rusiyada xarici agent kimi qeyd olunub) işində iştirak edən ən azı bir şəxsə qarşı Aİ sanksiyalarına veto qoyub.
Bugun.tv xəbər verir ki, bu barədə EUobserver onlayn xəbər agentliyi məlumat yayıb.
Bildirilib ki, Budapeştin bu qərarı Kiyevin Macarıstanın OTP Bankını “müharibənin beynəlxalq sponsorları” siyahısından çıxarmaq istəməməsi ilə bağlı ola bilər.
Macarıstanın xarici işlər naziri Peter Szijjarto mayın 17-də bildirib ki, OTP Bank Qrupu Ukraynanın “müharibənin beynəlxalq sponsorları” siyahısından çıxarılana qədər ölkəsi Avropa Sülh Fondu və sanksiyalarla bağlı qərarların qəbulunda iştirak edə bilməyəcək. Bank Rusiyada fəaliyyətini davam etdirdiyi üçün mayın 4-də siyahıya salınıb.
Ukraynanın “Strana” xəbər agentliyi öz Telegram kanalında yazıb ki, Ukrayna Milli Bankı OTP Qrupunun Rusiya bazarını tərk etməsini tələb edib. OTP Bank Qrupunun baş direktoru Sandor Csanyi aprel ayında bildirib ki, bank Rusiyada törəmə müəssisəsini saxladığı üçün Ukrayna tərəfinin “böyük təzyiqi altındadır”.
Mənbə:TASS