Fransa prezidenti Emmanuel Makron İrandakı rejimi güc yolu ilə dəyişməyə çalışmağın strateji səhv olacağını bildirib.
Makron Kanadada keçirilən G7 Zirvə toplantısındakı açıqlamasında bildirib ki, ABŞ prezidenti Donald Tramp sionist rejim ilə İran arasında atəşkəs üçün danışıqların aparıldığını elan edib.
“Atəşkəs istəyirik və İranın nüvə proqramı ilə bağlı danışıqların bərpa olunmasını istəyirik” deyən Makron, “İranda və sionist rejimdə mülki əhalinin həyatları qorunmalıdır” deyib.
Atəşkəs əldə ediləcəyi təqdirdə Avropa ölkələrinin İranla ciddi nüvə danışıqlarında iştirak etməyə hazır olduqlarını vurğulayan Makron, rejimin güc yolu ilə dəyişdirilməsi planlarını irəli sürməyin “strateji səhv” olacağını bəyan edib.
Makron əlavə edib: “Əvvəlki hərbi əməliyyatların məqsədi strateji səhv idi. Kənardan gələn bombalarla bir ölkəni iradəsinə qarşı xilas edə biləcəklərini düşünən hər kəs yanılır.”
Mənbə: İlkha