Bugun.tv xəbər verir ki, İngiltərə Hakimlər Şurası Premyer Liqada keçirilən “Manchester United” – “Manchester City” derbisində hakim səhvinə yol verildiyini qəbul edib.
Şuranın açıqlamasında bildirilib ki, “Manchester City”nin hücumçusu Erlinq Haalandın vurduğu və komandasına 1:0 hesablı qələbə qazandıran qolun qiymətləndirilməsi zamanı VAR prosesində səhv baş verib. Hakimlər Haalandın ofsaytda olmadığına düzgün qərar versələr də, epizodda başqa futbolçunun mövqeyinin oyuna mümkün təsirini nəzərdən qaçırıblar.
Məlumata görə, oyunun 60-cı dəqiqəsində Haaland Joşko Qvardiolun ötürməsindən sonra topu qapıya göndərib. Baş hakim Maykl Oliver əvvəlcə qolu ofsayt səbəbilə ləğv edib.
Daha sonra VAR yoxlaması zamanı Haalandın “Manchester United” futbolçusu Patrik Dorgunun ayaqqabısı səbəbindən ofsayt vəziyyətində olmadığı müəyyən edilib və qol qeydə alınıb. Lakin Hakimlər Şurası sonradan bildirib ki, epizod zamanı Enzo Fernandezin topa toxunmamasına diqqət yetirilsə də, onun mövqeyinin oyuna mümkün təsiri düzgün qiymətləndirilməyib.
Şuranın açıqlamasına görə, VAR hakimləri bu məqamı nəzərə alaraq baş hakimi meydandakı görüntüyə baxmağa dəvət etməli idilər. Qurum “Manchester United”lə əlaqə saxlayaraq hadisənin səhv kimi qəbul edildiyini bildirib.
İngiltərə Hakimlər Şurası hadisə ilə bağlı ayrıca araşdırma aparılacağını da açıqlayıb.
Mənbə: Trt.haber