İndoneziyanın qərbindəki Sumatra adasında Marapi vulkanı püskürüb.
Səlahiyyətlilərə görə, Qərbi Sumatra əyalətində yerləşən vulkan dəniz səviyyəsindən 1,600 metr (14,491 fut) yüksəkliyə kül atıb.
Sıx kül buludları cənub-şərqə yayılır. Yerli sakinlərə vulkanın kraterindən 3 kilometr məsafədə qalmaları tövsiyə olunur.
İndoneziya Energetika və Mineral Ehtiyatlar Nazirliyinin tərkibinə daxil olan Vulkanologiya Mərkəzi 2025-ci ilə qədər ölkədəki müxtəlif vulkanların, o cümlədən Marapi vulkanlarının fəaliyyətini izləmək üçün avadanlığın modernləşdirilməsinə üstünlük vermək niyyətində olduğunu daha əvvəl açıqlamışdı.
Marapi, İndoneziyanın qərbindəki Barisan dağ silsiləsinin şimal-qərb ucunda yerləşən, dəniz səviyyəsindən 2,891 metr hündürlükdə olan aktiv vulkandır. 2023-cü ilin dekabrında baş vermiş püskürmə nəticəsində ən azı 22 nəfər həlak olmuşdu.
18 000 adadan ibarət dünyanın ən böyük İndoneziya arxipelaqı Sakit Okeanın Atəş Halqası daxilində yerləşir və bu bölgəni güclü seysmik fəaliyyətə meylli edir. İndoneziyada 500-dən çox vulkan var, onlardan təxminən 130-u aktivdir.
Mənbə: İlkha