“Krasnı Liman istiqamətində düşmən itirilmiş mövqelərini bərpa etməyə çalışır. Ukrayna ordusu irəliləyən qüvvələrimizə əks-hücum edərək Makeyevka, Nevskoye və Çernopopovka yaşayış məntəqələri yaxınlığında itirdiyi əlverişli mövqelərini geri qaytarmaq üçün növbəti cəhd edib. Lakin Rusiya qüvvələri tərəfindən dəf edilib və itkilər verərək geri çəkiliblər”.
Bugun.tv xəbər verir ki, bunu Luqansk Xalq Respublikasının istefada olan polkovniki Andrey Maroçko TASS-a bildirib.
Maroçkonun sözlərinə görə, Ukrayna qüvvələrinin əks-hücumları Rusiya artilleriya və motoatıcı birləşmələri tərəfindən dayandırılıb. Ukrayna qoşunları, radiasiya, kimyəvi və bioloji müdafiə qüvvələri insan qüvvəsi və silah itkisi verərək mövqelərə çəkiliblər.
Rusiya Müdafiə Nazirliyinin mətbuat katibi İqor Konaşenkov bildirib ki, Rusiya qüvvələrinin Mərkəz qrupları Krasnı Liman istiqamətində 160-a qədər Ukrayna hərbçisini zərərsizləşdirib. “Qvozdika” özüyeriyən sistemini məhv edib.