“PSJ”nin hücumçusu Kilian Mbappe “Real Madrid”ə keçəcək. Bugun.tv xəbər verir ki, bu barədə Sports Zone məlumat yayıb.
Mənbə bildirib ki, 24 yaşlı hücumçunun bu yay transferi ilə bağlı İspaniya klubunun prezidenti Florentino Pereslə “PSJ”nin rəhbəri Naser Əl-Xelaifi arasında razılıq var. Qeyd edilir ki, “Real Madrid” Mbappe üçün 250 milyon avro ödəyəcək ki, bunun da 50 milyon avrosu bonusdur.
Futbolçunun Parisdə qalmağa və daha bir il keçirməyə hazır olduğuna dair açıqlamalarına baxmayaraq, “PSJ” rəhbərliyi qəti mövqe nümayiş etdirdi: Mbappe ya gələn yay bitəcək müqaviləni uzadacaq, ya da ayrılacaq. Kylian isə klubun transfer bazarındakı hərəkətindən məyus olub.
Xatırladaq ki, 24 yaşlı forvard bu mövsüm “Paris Saint-Germain”in heyətində 34 liqa oyununa çıxıb, 29 qol vurub və 5 məhsuldar ötürmə edib.