ABŞ-da sionist işğalçılara dəstəyi ilə tanınan hamburger şəbəkəsi McDonald’s-dan hamburger yedikdən sonra xəstələnənlərin sayında artım müşahidə olunur.
ABŞ-da ABŞ Xəstəliklərə Nəzarət və Qarşısının Alınması Mərkəzi (CDC) McDonald’s hamburgerlərinin səbəb olduğu E.coli xəstələrinin 104 nəfərə çatdığını açıqlayıb.
ABŞ Qida və Dərman İdarəsi (FDA) tərəfindən edilən açıqlamada, McDonald’s “Quarter Pounder” hamburgerlərində aşkar edilən Escherichia coli (E.coli) bakteriyası ilə əlaqədar halların sayının 104-ə yüksəldiyi bildirilib.
Bakteriyaya 14 ştatda rast gəlindiyi bildirilib: Kolorado, Kanzas, Yuta, Vayominq, Ayova, Missuri, Montana, Nebraska, Nyu-Meksiko, Oreqon, Viskonsin, Vaşinqton, Miçiqan və Şimali Karolina.
CDC-nin məlumatına görə, ABŞ-da epidemiyaya səbəb olan bakteriya növünə görə hər il təxminən 74 min infeksiya baş verir, 2 mindən çox insan xəstəxanaya yerləşdirilir və 61 nəfər ölür.
ABŞ Xəstəliklərə Nəzarət və Qarşısının Alınması Mərkəzinin (CDC) oktyabrın 23-də verdiyi ilk açıqlamada 49 nəfərin bakteriyadan təsirləndiyi və onlardan 1-nin öldüyü açıqlanmışdı.
Simptomların adətən bakteriyaların qəbulundan 3-4 gün sonra başladığını bildirən səlahiyyətlilər, 38,8 dərəcədən yuxarı yüksək hərarət, 3 gündən çox davam edən ishal və ya qanlı ishal, qusma, ağız və boğaz quruluğu, ayağa qalxarkən başgicəllənmədən şikayət edən şəxslərə xəbərdarlıq edib.
Normalda insan və heyvanların bağırsaq mühitində tapıla bilən “Enterohaemorrhagic Escherichia coli (EHEC)” kimi E.coli bakteriyalarının bəzi alt növləri həyat üçün təhlükəli xəstəliklərə səbəb ola bilər.
Qida yolu ilə əldə edilən E.coli bakteriyalarının 85 faizinin pis bişmiş və ya çiy ət, süd və süd məhsulları, yaxşı təmizlənməmiş tərəvəz və meyvələrdən keçdiyi bildirilir.
Mənbə: İLKHA