Bugun.tv xəbər verir ki, Media Tədris Mərkəzi Milli Mətbuatımızın 149 illiyinə həsr olunan “Media və Gənclər” mövzusunda tədbir təşkil edib. Binəqədi Gənclər Evində keçirilən mərasimin aparıcısı Media Tədris Mərkəzinin mətbuat xidmətinin rəhbəri Samirə Novruzova olub. O, iştirakçıları salamlayaraq, tədbiri açıq elan edib, qonaqlara söz verib.
![Media tədris mərkəzi](https://bugun.tv/wp-content/uploads/2024/07/samirə-mətbuat.jpeg)
Sonra Media Tədris Mərkəzinin təsisçisi və direktoru, Bugün TV Media Qurumunun rəhbəri, Nurlu Sabah Gənclərə Qayğı İctimai Birliyinin həmtəsisçisi Elnarə Dərziyeva çıxış edib. Jurnalistlərə peşə fəaliyyətində uğurlar diləyib.
![Media Tədris Mərkəzi](https://bugun.tv/wp-content/uploads/2024/07/ellllll.jpeg)
149 illik yaşı olan Milli Mətbuatımızın dünəni və bugününə nəzər salan Əməkdar jurnalist, hazırkı dövürdə sosial medianın həyatımızdakı roluna diqqət çəkib. Gəncləri texnologiyanın sürətli inkişafından düzgün bəhrələnməyə çağırıb.
![MEDİA TƏRDİS MƏRKƏZİ](https://bugun.tv/wp-content/uploads/2024/07/gənclərrrr-scaled.jpeg)
50-də artıq gəncin iştirak etdiyi tədbirdə tanınmış televiziyaçı, Nurlu Sabah Gənclərə Qayğı İctimai Birliyini həmtəsisçisi Minarə Murad “Milli Mətbuatımızın dünəni və bugünü”ndən,
![Media tədris mərkəzi](https://bugun.tv/wp-content/uploads/2024/07/minarə.jpeg)
teleaparıcı, Əməkdar jurnalist Mətanət Ağamirli “Gənclərin medianın inkişafındakı rolu”ndan,
![Media Tədris Mərkəzi](https://bugun.tv/wp-content/uploads/2024/07/metanet-obsi-scaled.jpeg)
Mətbuat Şurasının üzvü, Jurnalist Həmkarlar İttifaqının sədri Müşfiq Ələsgərli “Media qanunvericiliyi” haqqında,
![tədbir keçirilib](https://bugun.tv/wp-content/uploads/2024/07/musfiq-iri-plan-scaled.jpeg)
sosioloq, araşdırmaçı jurnalist Elçin Bayramlı “Sosial media və gənclər”,
![Media tədris mərkəzi tədbir keçirib](https://bugun.tv/wp-content/uploads/2024/07/elcin1.jpeg)
Editor.az informasiya agentliyinin rəhbəri, İslahatçı Gənclər İctimai Birliyinin sədri Fərid Şahbazlı “İnformasiya müharibəsində gənclərin rolu”ndan daha ətraflı danışıb.
![Media tədris mərkəzi](https://bugun.tv/wp-content/uploads/2024/07/ferid-scaled.jpeg)
Ümumilikdə, spikerlər jurnalistika sahəsi ilə maraqlanan gəncləri maarifləndirməyə, məlumatlandırmağa çalışıblar.
![Tədbir iştirakçıları](https://bugun.tv/wp-content/uploads/2024/07/obsi-uzdən-mən-olan-scaled.jpeg)
Tədbirdə həmçinin dəvətli qonaqlar da çıxış edib. Odlar Yurdu Təşkilatının icraçı direktoru, motivator Nərmin Daşdəmirbəyli gələcəyin gənclərdən asılı olduğunu bildirib. İstənilən sahədə uğur qazanmaq üçün yorulmadan, israrla çalışmağın önəmli olduğunu vurğulayıb, gələcək fəaliyyətlərində onlara uğurlar arzulayıb.
![Media Tədris Mərkəzi tədbir keçirib](https://bugun.tv/wp-content/uploads/2024/07/nermin-dasdəmir.jpeg)
Digər motivator, təlimçi konsultant, 5 kitab müəllifi Arzu Qafarlı da çıxış edərək, “5İ Uğur düsturu” adlı kitabında yazdığı və gənclər üçün vacib olan məqamlara diqqət çəkib. 5İ – İnam, İstək, İnad, İnkişaf və İnnovasiya kimi xüsusiyyətlərlə irəliləməyi gənclərə tövsiyə edib.
![Media Tədris mərkəzi](https://bugun.tv/wp-content/uploads/2024/07/arzu-qafarli.jpeg)
Binəqədi Gənclər Evinin direktoru Günel Həsənova çıxış edərək, Milli Mətbuatın 149 illiyi münasibəti ilə media nümayəndələrini və jurnalistika sahəsinə marağı olan gəncləri təbrik edib, onlara uğurlar arzulayıb.
![Binəqədi gənclər evində tədbir keçirilib](https://bugun.tv/wp-content/uploads/2024/07/gunel-həsənova--scaled.jpeg)
Sonra tədbir iştirakçıları, spikerlər və gənclər xatirə fotoları çəkdiriblər.
![Media tədris mərkəzinin tədbiri](https://bugun.tv/wp-content/uploads/2024/07/son-səkil-obsi-scaled.jpeg)
Müxbir: Aysel Azəri