“Tarix təkrarlanır və Rusiya Stalinqrad döyüşündəki qələbədən 80 il sonra yenidən müxtəlif düşmənlər imperiyası ilə üz-üzə qalıb”.
Bugun.tv TASS-a istinadən xəbər verir ki, bu sözləri Rusiya Təhlükəsizlik Şurasının sədr müavini Dmitri Medvedev “Vətənin müdafiəsi ili” adlı məqaləsində qeyd edib.
“Xüsusi hərbi əməliyyatın başlanmasından bir il sonra daha bir mühüm tarixi qeyd etdik. Sovet xalqının Stalinqrad döyüşündə Qələbəsinin 80 illiyi – XX əsrin əsas döyüşündəki kimi. Tarix təkrarlanır. Biz əslində yenə müxtəlif düşmənlərdən ibarət bütöv bir imperiya ilə üz-üzəyik. Ukraynalı və avropalı neonasistlər, ABŞ, digər anqlo-saksonlar və onların əlaltılarına qarşı mübarizə aparırıq”, – Medvedev deyib.