Almaniyanın keçmiş kansleri Angela Merkel uzun illər sədrlik etdiyi Xristian Demokrat İttifaqının (CDU) lideri Fridrix Mersi partiyasının ümumi seçkilərdə qazandığı qələbə münasibətilə telefon mesajı (SMS) ilə təbrik edib.
Merkelin mesajında Merzə hökumətin qurulmasında uğurlar arzuladığı öyrənilib. Lakin bu bayram Merzin gözlədiyi kimi, açıq şəkildə deyil, sakitcə baş tutdu. Bu mesaj iki siyasətçi arasında münasibətlərin gərgin olmasına baxmayaraq, bir növ “sülh mesajı” kimi şərh edilib.
Merkel və Merz arasındakı münasibətlər uzun illərdir ki, eniş-yoxuşlardan keçir. Merkelin 2002-ci ildə Mersi CDU/CSU qrupunun liderliyindən uzaqlaşdırması iki fiqur arasında dərin gərginliyə səbəb oldu. Bu ilin əvvəlində Merkel immiqrasiya siyasətində ifrat sağçı AfD partiyasının dəstəyini aldığı üçün Mersi tənqid edib. Ancaq keçən yay Merkelin 70 illik yubileyində iki nəfərin çox mehriban şəkildə görünməsi, aralarındakı buzların əridiyinə işarə kimi şərh edilmişdi. Merkel vəzifəsini tərk etdikdən sonra siyasi səhnədə aktiv rol oynamaqdan yayınır. Ancaq onun XDİ daxilində baş verənləri yaxından izlədiyi məlumdur.
Mənbə: HurriYet