Bugun.tv xəbər verir ki, Qazaxıstanın şərqindəki Abay vilayətində baş verən meşə yanğınında həyatını itirənlərin sayı 15-ə yüksəlib.Rayon Polis İdarəsindən verilən məlumata görə, iyunun 10-da yoxa çıxan meşə işçisi Sergey Arhipovun cansız cəsədi tapılıb.
Bundan əvvəl sözügedən işçinin yanğınsöndürmə işləri üçün traktoru ilə yola çıxdığı açıqlansa da, onunla əlaqə kəsilib.
İyunun 12-də ölkədə həyatını itirən meşə işçiləri üçün “Ümummilli matəm” elan edilib.
Bu arada, daxili işlər naziri Marat Ahmetcanov Nazirlər Şurasının həftəlik iclasında söndürmə işlərinin davam etdiyi meşə yanğınının səbəbləri ilə bağlı aparılan araşdırmalar barədə məlumat verib. O, xüsusi prokurorlar tərəfindən aparılan istintaqda təhlükəsizlik qüvvələrinin mütəxəssislərinin də iştirak etdiyini bildirib. “Araşdırma aparılır. Bundan başqa, səhlənkarlıq və ildırım vurması səbəblərinin olduğu ehtimalı var”, – deyə qeyd edib.
Mənbə: TRT Haber