Rusiya Fövqəladə Hallar Nazirliyi Sibirin üç rayonunda meşə yanğınlarının 65 binanı məhv etdiyini bildirib.
“Xakasiya Respublikası, Krasnoyarsk diyarı və İrkutsk vilayətində güclü külək yaşayış sektorunda baş verən yanğınların söndürülməsini çətinləşdirib, yanğınların yayılması nəticəsində 65-dən çox tikili, o cümlədən 33 yaşayış binası yanğın nəticəsində məhv olub”, – deyə nazirlikdən bildirilib.
Həmçinin qeyd olunur ki, vəziyyətə müdaxilə etmək üçün Tuva və Kuzbassdan komandalar Xakasiyaya göndərilib.
Son bir həftə ərzində Rusiyanın 16 regionunda meşə yanğınları baş verib. Bu müddət ərzində ümumi sahəsi 6 min hektardan çox olan 111 yanğın söndürülüb. Hazırda 55 yanğın davam edir, onlardan 18-i nəzarət altına alınıb.
Bundan əlavə, ötən həftə Sibirin üç rayonunda qasırğalı küləklər 570 evin damını zədələyib. 62 yaşayış məntəqəsində işıq yoxdur. Rusiya Federasiyasının ümumilikdə 14 regionu pis hava şəraitinin təsirinə məruz qalıb.
Mənbə: İlkha