Bugun.tv xəbər verir ki, ABŞ-ın Havay adalarının Maui adasının meşə sahəsində baş verən yanğınlar nəticəsində 36 nəfər ölüb, çoxlu sayda insan yaralanıb və bir çox mülkə ziyan dəyib. Səlahiyyətlilər, axtarış-xilasetmə işlərinin davam etdiyini və sahil mühafizə qruplarının alovdan xilas olmaq üçün suya atılan 2-si uşaq olmaqla 14 nəfəri xilas etdiyini bildirib. Maui Bələdiyyə Başçısı Richard Bissen Jr mətbuat konfransında bir çox evlərin və iş yerlərinin yanğınlar nəticəsində tamamilə məhv edildiyini və limandakı qayıqların “əhəmiyyətli dərəcədə zədələndiyini” söylədi. Bissen Jr qeyd edib ki, Mauidə dəymiş ziyanın həqiqi ölçüsünü müəyyənləşdirmək hələ də çətindir və onlar ölənlərin sayının artmasından narahatdırlar. Havay Nəqliyyat Departamentinin direktoru Ed Sniffen keçirdiyi mətbuat konfransında 11 mindən çox insanın Mauidən təyyarə ilə təxliyə edildiyini bildirib. Bayden yanğınlarla mübarizə aparmaq üçün hərbi xidmətə çağırır.
Müxbir: Şəms Elnurqızı