Bugun.tv xəbər verir ki, Osmaniyedə yanğınların qarşısını almaq üçün növbəti xəbərdarlığa qədər meşələrə giriş-çıxışlar qadağan edilib. Osmaniye Qubernatorluğundan verilən açıqlamada baş verə biləcək fövqəladə hava şəraiti səbəbindən yanğınların arta biləcəyi vurğulanıb.
Açıqlamada qadağaya əməl etməyənlərə qarşı inzibati tədbirlər görüləcəyi bildirilib. “Son illər Osmaniye vilayətinin sərhədlərində irimiqyaslı meşə yanğınları baş verib. Yaxın günlərdə baş verə biləcək fövqəladə hava şəraiti səbəbindən yanğınların arta biləcəyini nəzərə alaraq odun yandırılması, samovar qalanması, piknik yerləri qadağandır. Qaydaya əməl etməyənlər barəsində inzibati tədbirlər görüləcək.
Mənbə: TRT Haber