Bakı metropoliteni sərnişininin məsuliyyətsiz hərəkəti ucbatından təhlükəli vəziyyət yaranıb.
Müvafiq kadrları sosial şəbəkə istifadəçilərindən biri yayıb.
Gənc qatar hərəkətdə olarkən vaqonlararası qapını açıb və qonşu vaqonun pəncərəsini döyüb. Hadisə qatar metronun “Nizami” stansiyasından çıxarkən qeydə alınıb.
Bu cür hərəkətlər təkcə qaydanı pozan şəxsin özünün deyil, digər sərnişinlərin də həyatı üçün təhlükə yaradıb.
“Bakı Metropoliteni” QSC və Daxili İşlər Nazirliyinin mətbuat xidmətlərindən bildirilib ki, həmin şəxslərlə bağlı araşdırma aparılır.
Mənbə: oxu.az