Meksikanın paytaxtı Mexikoda helikopterin qəzaya uğraması nəticəsində üç nəfər ölüb.
Bugun.tv xəbər verir ki, baş verən hadisə barədə Meksika paytaxtının İctimai Təhlükəsizlik Katibliyinin rəhbəri Pablo Vaskes Kamaço sosial şəbəkədə açıqlayıb.
“Hazırda üç nəfərin öldüyü rəsmi olaraq təsdiqlənib. Əhali və yaxınlıqdakı evlər təhlükəyə məruz qalmayıb”, – məmur bildirib.
O, həmçinin hadisənin paytaxt bölgənin Koyoakan yaşayış məntəqəsində baş verdiyini diqqətə çatdırıb.