Meksikada mikroavtobusun uçurumdan aşması nəticəsində qəza baş verib. Hadisə nəticəsində 12 nəfər həyatını itirib. Yanğın mikroavtobusun meşəyə yuvarlanaraq alov almasından sonra başlayıb. Meksikanın şimalında, ABŞ sərhədində, Nuevo-Leon ştatının Santyaqo şəhərində mikroavtobus uçurumdan aşıb.
Mikroavtobusun təxminən 120 metr hündürlükdən aşması nəticəsində 12 nəfər həyatını itirib, 4 nəfər yaralanıb.
Qəza nəticəsində mikroavtobus alovlanaraq meşə yanğınına səbəb olub. Yanğının söndürülməsi üçün əraziyə helikopter göndərilib.
Santyaqo şəhərinin meri David de la Pena bildirib ki, ilkin araşdırmaya görə, qəzaya səbəb avtomobildəki mexaniki nasazlıq olub.
Martın 11-də Meksikanın cənub-şərqindəki Oaxaka ştatında azı 40 sərnişini daşıyan avtobusun yol kənarındakı xəndəyə aşması nəticəsində 11 nəfər həlak olub.
Mənbə: HurriYet