Bugun.tv xəbər verir ki, Çatalcada baş verən yol qəzasında eyni vasitədə olan 3 pilotdan ikisi həyatını itirib, digər pilot isə yaralanaraq xəstəxanaya aparılıb. THY-nin əməkdaşları Oğuzhan Dağ, Ekin Günəş və E.E.-nin uçuşu olmadığı vaxt səhər saatlarında eyni avtomobillə Çatalca istiqamətində hərəkətdə olublar.
TRT Haber-in məlumatına görə, bu vaxt kapitan pilot E.E-nin idarə etdiyi avtomobil yük maşınının arxasına çırpılıb. Dəhşətli qəzada THY-nin kapitanı pilotları Oğuzhan Dağ və Ekin Günəş hadisə yerində dünyasını dəyişib.
Xəsarətlə xilas edilən E.E xəstəxanaya çatdırılıb.