Çinin Tibet Muxtar Bölgəsindəki Everest dağının şərq yamacında qar fırtınası səbəbindən qapalı qalan 1000 nəfərin təxminən yarısı xilas edilib.
Dünyanın ən hündür dağı olan Everestdə 1000 nəfərin qapalı vəziyyətdə qaldığı bildirilir. Çovğunda sıxışan alpinistlərdən 350-si xilas edilib, 200-dən çoxu ilə əlaqə saxlanılıb.
Çin mediasının məlumatına görə, yerli kəndlilər və peşəkar qruplar tərəfindən xilas edilənlər Qudanq şəhərinə gətirilib. Həmçinin 200-dən çox insanla əlaqə saxlandığı bildirilir. Xilasetmə işləri davam edir və qapalı qalan şəxslərin qrupların müşayiəti ilə tədricən Qudanqa çatacağı gözlənilir.
Mənbə: Ahaber