“Azərbaycanın Ermənistanla sülh gündəmində irəli sürdüyü əsas tələblərdən biri artıq reallaşıb və ATƏT-in Minsk qrupunun fəaliyyəti faktiki olaraq başa çatıb. Dəyişən regional və qlobal geosiyasi şərtlər fonunda rəsmi İrəvan Bakının bu prinsipial mövqeyi ilə razılaşmağa məcbur olub”.
Bugun.tv– xəbər verir ki, bu barədə şərhi siyasi ekspert Məhəmməd Əsədullazdə öz sosial media hesabında paylaşıb.
Ekspertin fikrincə, Ermənistan bir müddət sülh müqaviləsinin imzalanması ilə paralel olaraq Minsk qrupunun fəaliyyətini saxlamağa çalışsa da, bu cəhdlər nəticəsiz qalıb. Azərbaycanın qəti mövqeyi və yeni geosiyasi reallıqlar İrəvanın manevr imkanlarını xeyli məhdudlaşdırıb və nəticədə rəsmi Yerevan Bakının irəli sürdüyü şərtləri qəbul edib.
“Hazırda əsas müzakirə mövzusu Bakının növbəti tələbinin nə zaman və hansı formatda gündəmə gələcəyidir. Mütəxəssislər hesab edir ki, sülh prosesinin növbəti mərhələsi regional təhlükəsizlik və qarşılıqlı öhdəliklərin icrası ilə bağlı olacaq”.