“Rusiya və Tacikistanı güclü strateji tərəfdaşlıq və müttəfiqlik əlaqələri bağlayır. Ticari-iqtisadi əməkdaşlıq dinamik inkişaf edir. Ötən il ticarət dövriyyəsi 18 faiz artaraq 1,5 milyard dollar təşkil edib. Təbii ki, bu, son 20 ildə rekord göstəricidir. Lakin bu o qədər də çox deyil”.
Bugun.tv TASS-a istinadən xəbər verir ki, bunu Rusiyanın baş naziri Mixail Mişustin deyib.
“Rusiya şirkətləri tikinti, enerji, sənaye, rabitə və maliyyə xidmətləri daxil olmaqla, iqtisadiyyatın əsas sektorlarında fəal iştirak edirlər. Biz səhiyyə, təhsil və turizm sahələrində əməkdaşlığımızı genişləndiririk”, – Mişustin bildirib.
O, həmçinin sənaye əməkdaşlığının müxtəlif sahələrdə, o cümlədən yüngül sənaye, mədənçıxarma və metallurgiya sektorlarında inkişaf etdiyini bildirib.
“Biz Rusiya və Tacikistanın maraqlarına uyğun olaraq tam dövriyyəli istehsalı təmin edəcək birgə müəssisələr yaratmaq niyyətindəyik”, – nazir əlavə edib.