Ötən gün Park Cinema Flame Towers filialında həm böyüklərin həm də kiçiklərin sevimlisi olan Moananın ikinci filminin Qapalı Nümayişi keçirildi.
Bugun.tv-yə daxil olan məlumata görə, qapalı nümayişdə yerli aktyorlar, tanınmış blogerlər, influnserlər və media nümayəndələri iştirak ediblər. Şouda ada atmosferi yaradılmışdır, hər yer yaşıllıq və meyvə ağacları ilə bəzənmişdir. Səhnəyə Moananı və Maurini canlandıran aktyorların rəqs qrupunun əhatəsində gəlişi və canlı ifası eləcə də şou-proqramın nümayiş olunması ilə ajiotaj pik səviyyəsinə çatmışdır.
Daha sonra isə qonaqlar “Moana 2” filmini ölkənin ən böyük ekranı və ən keyfiyyətli səs sisteminə sahib IMAX-da izləyiblər.
Bu gündən etibarən isə “Moana 2” filmi Park Cinemada türk, ingilis və rus dillərində, eləcə də IMAX-da nümayiş olunur. Linkə keçid edərək, biletlərinizi əldə edə bilərsiniz.
