Bugun.tv xəbər verir ki, Monteneqronun Dövlət Seçki Komissiyası prezident seçkilərinin nəticələrini açıqlayıb. Keçmiş İqtisadi İnkişaf və Turizm Naziri Yakov Milatoviç 222 592 səs, yəni ümumi səslərin 58,88 faizini toplayaraq Monteneqronun yeni rəhbəri seçilib.
Məlumata görə, prezidentlik müddəti başa çatan Milo Dukanoviç 41,12% və ya 154 769 səs toplayıb.
542 mindən çox insanın səsvermə hüququ var idi. Seçkilərdə vətəndaşların 70,7%-i iştirak edib.
Konstitusiyaya görə, Monteneqro parlamentli respublikadır və prezidenti ümumxalq səsverməsi ilə beş il müddətinə seçilir.Dövlət başçısı isə daha çox nümayəndəlik funksiyalarını yerinə yetirir. Prezident kabinetin formalaşmasında və baş nazirin təyin edilməsində söz sahibidir.
Mənbə: TASS