Bugun.tv xəbər verir ki, Çin Pekin Şanxay Əməkdaşlıq Təşkilatı (ŞƏT), BRİKS və G20 kimi mühüm beynəlxalq platformalarda qarşılıqlı fəaliyyət göstərərək Moskva ilə koordinasiyanı gücləndirmək niyyətindədir.
Bu barədə Çin lideri Si Cinpinin CCTV kanalında Rusiyanın baş naziri Mixail Mişustinlə görüşündə deyib: “Çin möhkəm qarşılıqlı dəstək əsasında və bir-birinin əsas maraqlarını nəzərə alaraq Rusiya ilə qarşılıqlı əlaqəni davam etdirməyə hazırdır”.
“Çin-Rusiya əməkdaşlığının möhkəmlənməsi və inkişafı ölkələrimizin xalqlarının istəklərinə uyğundur; bu, üstünlük təşkil edən tendensiyadır”, – Si Cinpin qeyd edib. O, həmçinin ümid etdiyini bildirib ki, Çin və Rusiya dinamik ikitərəfli əməkdaşlığın təşviqi üçün “böyük məkan və geniş perspektivlər” təqdim etməyə davam edəcəklər.
Xatırladaq ki, Rusiyanın baş naziri Mixail Mişustin Çin Xalq Respublikasına səfər edib. O, əvvəlcə Şanxaya gəlib və burada Rusiya-Çin biznes forumunda iştirak edib. Sonra o, Pekində Çin Dövlət Şurasının baş naziri Li Qianq ilə görüşüb. Tərəflər bir sıra ikitərəfli sazişlər, o cümlədən ticarət əməkdaşlığının genişləndirilməsinə dair memorandum imzalayıblar.
Mənbə: TASS