Bugun.tv– yə daxil olan məlumata əsasən, Azərbaycan Respublikasının ərazi bütövlüyü uğrunda aparılmış hərbi əməliyyatlarda iştirak etmiş, müharibə veteranı olan vətəndaş Əfsələddin Ağabəylinin müraciəti dinlənilib.
Vətəndaş müraciətində məhkəmə ilə bağlı üzləşdiyi problem haqqında məlumat vermiş, hüquqlarının müdafiəsi və probleminin qanunvericilik çərçivəsində həll olunması üçün köməklik göstərilməsini xahiş etmişdir.
Qeyd edək ki, müraciət millət vəkili Razi Nurullayevin tapşırığı ilə köməkçisi tərəfindən dinlənilib. Məsələnin aidiyyəti üzrə baxılması üçün zəruri qeyd və sənədlər toplanılıb.
Məsələ ilə bağlı hüquqi mexanizmlər çərçivəsində müvafiq instansiyalara yönləndirilməsi və izlənməsi məqsədilə tədbirlər görüləcəyi vurğulanıb.