Bugun.tv xəbər verir ki, Ömər aşırımında yük avtomobili aşıb, xəsarət alan var. DİN-in Mətbuat Xidmətinin Gəncə regional qrupunun baş inspektoru Eşqin Qasımov bildirib ki, qəza nəticəsində sürücü yüngül bədən xəsarətləri alıb. Ona ilkin tibbi yardım göstərildikdən sonra xəstəxanaya aparılıb. Avtomobil yolun hərəkət hissəsindən çıxarılıb, nəqliyyatın hərəkəti bərpa olunub. Faktla bağlı araşdırmalar davam etdirilir.