Bugun.tv xəbər verir ki, Banqladeş səlahiyyətliləri ölkənin cənub-şərqində təsirli olan musson yağışlarının səbəb olduğu daşqınlarda aralarında uşaqların da olduğu 29 nəfərin öldüyünü, 11 nəfərin isə itkin düşdüyünü açıqlayıb. Bölgədə baş verən daşqınların 14 milyon Banqladeş svopuna (təxminən 128 min dollar) maddi ziyan vurduğu təxmin edilir. Çittaqonq və Koks Bazar arasında sel suları səbəbindən bağlanan avtomobil yolu sular çəkilən zaman açılıb. Chattogram komissarı Abul Bashar Mohammed Fakhruzzaman da bölgədə 800 minə yaxın insanın təsirinə məruz qalan daşqınlarda 13 nəfərin öldüyünü və ən azı 9 nəfərin itkin düşdüyünü bildirib. Banqladeşdə ümumiyyətlə iyun-sentyabr aylarında müşahidə edilən musson yağışları səbəbindən hər il minlərlə insanın həyatı mənfi təsirlənir. Daşqından zərər çəkmiş ərazilərdə axtarış-xilasetmə işləri davam edir.
Müxbir: Şəms Elnurqızı