Myanmada ordu Ramri adasına hava zərbəsi endirib. Hücumda əksəriyyəti Rohinca müsəlmanlarından ibarət 41 nəfər həyatını itirib, 50 nəfər yaralanıb. Hərbi nəzarət altında olan Myanma ordusunun Rakhayn əyalətindəki Ramri adasına endirdiyi hava zərbələri nəticəsində əksəriyyəti Rohinca olan 41 nəfərin həyatını itirdiyi, 50 nəfərin isə yaralandığı bildirilib. Təcili yardım könüllülərindən biri bölgəyə 2 döyüş təyyarəsinin atdığı bombalar nəticəsində çox sayda insanın həyatını itirdiyini bildirib.
Könüllü hava hücumunda çoxlu evin zərər gördüyünü və hücumlardan sonra başlayan yanğını söndürmək üçün yerli əhalinin səfərbər edildiyini bildirib. Ordu ilə qarşıdurmada olan silahlı qruplardan biri olan Arakan Ordusu bir ilə yaxındır ki, Kyauk Ni Mav kəndinə nəzarət edir.
Arakan Ordusunun sözçüsü Khaing Thukha Myanmar Now-a ordunun mülki insanları hədəf aldığını və müharibə cinayətləri törətdiyini bildirib.
Birma İnsan Haqları Şəbəkəsinin (BHRN) direktoru Kyaw Win və Azad Rohinca Koalisiyasının qurucularından biri Nay San Lvin AA müxbirinə hücumla bağlı açıqlamalar verib.
Win Kyauk Ni Mawda əsrlərdir 3 mindən çox Rohinca müsəlmanının yaşadığını və buradakı bəzi məscidlərin çox köhnə olduğunu qeyd edib. Kənddə Buddist icmalarının olduğunu və müsəlmanlarla yaxşı münasibətdə olduqlarını bildirən Win, Kyauk Ni Maw-ın Arakan əyaləti üçün əhəmiyyətli bir təchizat mərkəzi olduğunu ifadə etdi.
“Ordu onları hədəfə aldı, çünki bura müsəlman kəndidir” Win deyib.
Mənbə: TgrtHaber