Buddist ordusunun Myanmada Rohinca müsəlmanlarına qarşı vəhşicəsinə hücumları nəticəsində azı 200 nəfərin həlak olduğu bildirilib.
Rohinca müsəlmanlarının hüquq müdafiəçisi və “Azad Rohinca Koalisiyası”nın qurucularından biri olan Nay San Lvin sosial media hesabındakı paylaşımında Arakan Ordusunun (AA) Maungdaw qəsəbəsində PUA və artilleriya atəşi ilə Rohinca vətəndaşlarını vurduğunu bildirib.
Təkcə dünən həyata keçirilən hücumlarda əksəriyyəti qadın, uşaq və qoca olan ən az 200 Rohingyalının öldürüldüyünü, çox sayda insanın isə yaralandığını bildirən Lvin, ölənlərin sayının daha çox ola biləcəyinə diqqət çəkib.
Sosial mediada paylaşılan görüntülərdə Rohingyalıların cəsədlərinin Naf çayının sahilində uzandığı görünür.
Yerli hüquq müdafiəçilərindən Wai Wai Nu da X hesabındakı paylaşımında bölgədəki vəziyyətin ölümcül fəlakətə çevrildiyini bildirib.
Rohinca müsəlmanlarına qarşı vəhşiliyin hər keçən saniyə artdığına diqqət çəkən Nu, müsəlmanların şəhər mərkəzindən qovulduğunu və hazırda Myanma-Banqladeş sərhədində sıxışdıqlarını bildirib.
Son illərdə Rohinca müsəlmanları hazırda xunta tərəfindən idarə olunan Myanmada ordu və buddist quldur dəstələri tərəfindən qırğınlara məruz qalıb.
Mənbə: İLKHA