Meksika nəsli kəsilməkdə olan delfinlərin axtarışına başlayıb.
Bugun.tv xəbər verir ki, bu barədə ölkənin Ətraf Mühit Nazirliyi məlumat yayıb.
Açıqlamada bildirilib ki, ABŞ, Kanada və Meksikadan olan mütəxəssislər kiçik delfinləri tapmaq üçün durbin, istiqamətləndirici cihazlar və akustik monitorlardan istifadə edəcəklər.
Qeyd olunub ki, axtarışlar mayın 10-27-də sözügedən canlıların yaşadığı yeganə yer olan Kaliforniya körfəzində aparılacaq.
Qeyd edək ki, “Sea Shepherd” şirkəti qanunsuz balıq ovunun qarşısının alınması istiqamətində işlər görür. “Sıfır dözümlülük” zonası kimi tanınan ərazidə balıq ovuna icazə verilməsə də, burada qeyri-qanuni balıqçı qayıqlarına çox rast gəlinir.
Mənbə: TRT haber