“Bu gün” TV-nin bölgə üzrə əməkdaşı xəbər verir ki, Tərtərdə narkomaniya əleyhinə maarifləndirmə tədbiri keçirilib. Rayon Polis Şöbəsinin təşkilatçılığı ilə Qapanlı kənd tam orta məktəbdə şagidlərin iştirakı ilə narkomaniya əleyhinə maarifləndirmə tədbiri olub.
![](https://bugun.tv/wp-content/uploads/2022/05/IMG-20220529-WA0003-2.jpg)
Çıxış edən Tərtər RPŞ-nin rəisi, polis polkovniki Elçin Qasımov narkotik asılılığının törətdiyi fəsadlarla bağlı geniş məlumat verib, insan həyatına və sağlamlığına vurduğu zərərlərdən danışıb. Eləcə də narkotik vasitələrin qanunsuz dövriyyəsi ilə məşğul olan şəxslərə qarşı aparılan genişmiqyaslı əməliyyat tədbirlərini iştirakçıların diqqətinə çatdırılıb.
![](https://bugun.tv/wp-content/uploads/2022/05/IMG-20220529-WA0004-1.jpg)
Sonda narkotiklərin törtədiyi fəsadlardan bəhs edən videoçarx göstərilib və iştirakçıları maraqlandıran suallar cavablandırılıb.