Ağdaş Rayon Polis Şöbəsinin əməkdaşları tərəfindən həyata keçirilən tədbir zamanı narkotik bitkilərini yetişdirən şəxs saxlanılaraq istintaqa təhvil verilib.
DİN- in Mətbuat Xidmətinin Şəki regional qrupundan Bugun.tv – yə verilən məlumata görə, şöbəyə Ağdaş şəhərində çətənə kollarının əkib-becərməsi barədə məlumatı daxil olub. Keçirilən tədbir zaman şəhər sakini Rəmzi Soltanov şübhəli şəxs qismində saxlanılıb. Onun evinin həyətyanı sahəsinə baxış keçirilİb. Axtarış zamanı oradan dibçəklərdə yetişdirdiyi 36 ədəd çətənə bitkisi aşkar olunaraq götürülüb. Saxlanılan şəxs ifadəsində həmin narkotik bitkiləri aprel ayının əvvəlində becərdiyini etiraf edib.
Polis Şöbəsinin əməkdaşları “Xaş-xaş-2023” şərti adlı kompleks əməliyyat-axtarış və profilaktik tədbirlər keçiriblər. Nəticədə rayonun Abad və Qarasuqumlaq kəndləri ərazisində yabanı halda bitən narkotik tərkibli bitkilər aşkarlanıb. Ümumi çəkisi 3 ton 500 kiloqramdan çox olan 6186 ədəd çətənə kolu kökündən çıxarılıb və yandırılaraq məhv edilib.