Beynəlxalq Kosmik Stansiyada (BKS) astronavt Metyu Dominik tərəfindən paylaşılan günəşin doğuş anının videosu böyük marağa səbəb olub.
Səma və kosmosun boşluğu tarix boyu bəşəriyyəti çaşdıran suallara səbəb olub.
Keçən əsrdə texnologiyanın inkişafı ilə edilən kəşflərlə kosmosun genişliyi, mükəmməl nizamı və vizual zənginliyi nəfəsimizi kəsib.
Bəşəriyyət hər gün yeni və təəccüblü kəşflərlə öyrənməyə davam edərkən, Beynəlxalq Kosmik Stansiyadan (BKS) gələn görüntülər valeh etməkdə davam edir.
Stansiyada vəzifə yerinə yetirən astronavt Metyu Dominik Ayın batmasını və ‘qırmızı və yaşıl aurora cərəyanları’ arasında doğuşunu göstərən video paylaşıb.
NASA astronavtı Metyu Dominik görüntülər haqqında bunları deyib: “Ayın qırmızı və yaşıl aurora axınlarında batması və sonra Soyuz-u açıq mavi rəngdə işıqlandıran günəşin doğuşunu əks etdirən Avroralar (Yerin maqnit sahəsi ilə Günəşdən gələn yüklü hissəciklərin qarşılıqlı təsiri nəticəsində yaranan təbii parıltılar) son bir neçə gündə hər kəsi heyrətləndirdi. “Bu yaxınlarda Cygnus-a gələn yeni lensi sınamaq üçün əla vaxtdır” deyib.
Şəkillərə həmçinin BKS-nin bir hissəsi, Yer atmosferində parlayan auroralar və sıx ulduz klasteri də daxildir.
“Mən hələ də minlərlə kadra baxıram, əksəriyyətində aurora var, lakin bu kadrda Süd Yolu gözə çarpır”, – Dominik bildirib.
Mənbə: EnSonHaber