Bugun.tv xəbər verir ki, F-16-ların Ukraynaya nə vaxt və necə gətiriləcəyi hələ qərarlaşdırılmayıb və ilk növbədə pilotlar təlim keçməlidir.
Bu barədə NATO-nun baş katibi Yens Stoltenberq NATO-nun mənzil-qərargahında Latviyanın baş naziri Krisjanis Karins ilə görüşdən sonra açıqlama verib.
Stoltenberq Ukraynaya F-16 döyüş təyyarələrinin tədarükü məsələsinə toxunaraq, “Bunun nə vaxt və necə olacağına hələ qərar verilməyib. Düşünürəm ki, addım-addım getməyin mənası var və ilk növbədə ukraynalı pilotların hazırlanmasından başlamaq lazımdır. Daha sonra döyüşün necə inkişaf etməsindən asılı olaraq təyyarələrin çatdırılması ilə bağlı yekun qərarlar veriləcək.” deyib.
İyulun 11-12-də Litvanın paytaxtı Vilnüsdə keçiriləcək NATO sammiti ilə bağlı Stoltenberq, “Ukraynanın azad və suveren bir dövlət kimi üstünlük təşkil etməsi üçün dəstəyimizi artırmağımız və davam etdirməyimiz həyati əhəmiyyət kəsb edir. Müdafiə planları, yeni qüvvə modeli və gücləndirilmiş komanda strukturu ilə gücümüzü çoxaltmağa davam edirik. Mən ümid edirəm ki, biz Vilnüsdə ümumi daxili məhsulun (ÜDM) 2 faizini təşkil edən iddialı yeni müdafiə sərmayəsi öhdəliyi ilə də razılaşma əldə edəcəyik”- deyə açıqlama verib.
Mənbə: İLKHA