Bugun.tv xəbər verir ki, Brüsseldə xarici işlər nazirləri səviyyəsində NATO-Ukrayna Şurasının iclası keçirilib.
Stoltenberq, “Rusiya-Ukrayna müharibəsi üçüncü ilinə qədəm qoydu. Ukrayna öz azadlığı uğrunda mübarizəni davam etdirərkən, müttəfiqlərdə onu dəstəkləməyə davam edir. Döyüş meydanında vəziyyət ağırdır. Bu, dəstəyimizi azaltmaq deyil, artırmaq üçün bir səbəbdir”, – deyib.
Nazirlərin görüşdə Ukraynanın ehtiyaclarını, o cümlədən NATO-nun Ukraynaya dəstəyini necə gücləndirəcəklərini müzakirə edəcəklərini bildirən Stoltenberq, müttəfiqlərin iyulda Vaşinqtonda keçiriləcək NATO Sammitinə hazırlaşarkən, Ukraynanı gücləndirmək üçün də çalışacaqlarını deyib.
NATO-Ukrayna Şurası Xarici İşlər Nazirləri Toplantısı mətbuata qapalı davam edib.