Rusiyada neft-kimya müəssisəsində partlayış baş verib. Partlayış nəticəsində 3 nəfər yaralanıb.
Rusiyanın Başqırdıstan vilayətində yerləşən Sterlitamak adlı neft-kimya müəssisəsində boru kəmərində partlayış baş verib. Partlayışdan sonra boru xəttində yanğın baş verib, hadisə nəticəsində 3 nəfər xəsarət alıb.
Hadisə yerinə çoxlu sayda yanğınsöndürmə briqadası göndərilsə də, partlayışın səbəbi hələlik məlum deyil. Bildirilib ki, partlayış obyektdə istehsala təsir göstərməyib.
Moskvadan 1500 kilometr şərqdə yerləşən zavod benzin və təyyarə yanacağı üçün yüksək oktanlı əlavələr istehsal edir.
Mənbə: Haber Global