Nintendo, 2023-cü ildə çıxan “Super Mario Bros” filminin davamı olan yeni “Super Mario Galaxy Movie” animasiya filminin treylerini yayımlayıb.
Süjetə görə, Mario və digər personajlar kosmosa səyahət edəcəklər. Orada onlar yeni qəhrəmanlarla tanış olacaqlar. Onlardan biri “Super Mario Galaxy” filmində rol alan Rosalinadır. Onu ingilis dilində “Kapitan Marvel” filmində baş rolu canlandıran Bri Larson səsləndirib.
Bundan əlavə, yeni personajlar arasında Marionun əsas “düşməni” olan Bouzerin oğlu Bouzer Jr. da olacaq. Onu “Oppenheimer” filmində rol alan və qardaşı Coşua Safdi ilə birlikdə “Good Time” və “Uncut Gems” filmlərini yaradan aktyor və rejissor Benni Safdi səsləndirib. Kris Pratt (Mario), Anya Teylor-Coy (Şahzadə Piç) və Cek Blek (Bozer) da geri qayıdacaqlar.
Nintendo, filmi ilk hissə üzərində işləyən Illumination studiyası, eləcə də Despicable Me, Minions və Secret Life of Pets franşizaları ilə əməkdaşlıq çərçivəsində hazırlayır.
Super Mario Galaxy filminin ABŞ-da 3 aprel 2026-cı ildə nümayiş olunması planlaşdırılır.
“Super Mario Bros. Filmi” cizgi filmi 2023-cü ilin aprel ayında nümayiş olunub. Universal Pictures və Illumination tərəfindən istehsal olunan film 1,3 milyard dollardan çox gəlir əldə edərək bütün zamanların ən çox gəlir gətirən video oyun adaptasiyası oldu. 2023-cü ildə yalnız Qreta Gerviqin “Barbi” komediyası dünya kassa gəlirlərində onu geridə qoydu.
Bığlı santexnikin ilk film adaptasiyası 1993-cü ildə Bob Hoskins-in rol aldığı “Super Mario Bros” idi. Film tənqidçilərdən sərt rəylər aldı və büdcəsini geri qaytara bilmədi: təxminən 48 milyon dollarlıq büdcəyə qarşı cəmi 20 milyon dollar gəlir əldə etdi. Bu uğursuzluqdan sonra Nintendo uzun illər video oyun franşizalarının film adaptasiyalarından imtina etdi.
Daha əvvəl uzun müddətdir gözlənilən GTA 6 oyununun buraxılışının yenidən təxirə salındığı açıqlanmışdı.
Mənbə: mail.ru